A- A A+
  • 6363308040
  • 1926

ವಿಭಾಗದ ಮುಖ್ಯಸ್ಥರು

ಶ್ರೀ. ಹರಿ ಕುಮಾರ್ ಝಾ, ಭಾ.ಅ.ಸೇ

ಅಪರ ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿಗಳು (ಕಾನೂನು ಘಟಕ)
ಅಪರ ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿಗಳು (ಕಾನೂನು ಕೋಶ), ಅರಣ್ಯ ಭವನ, 18 ನೇ ಕ್ರಾಸ್, ಮಲ್ಲೇಶ್ವರಂ, ಬೆಂಗಳೂರು -560 003
apccflc@gmail.com

ವಿಭಾಗದ ಬಗ್ಗೆ

ಕರ್ನಾಟಕ ಅರಣ್ಯ ಇಲಾಖೆಯ ಕಾನೂನು ಘಟಕವು 05.03.2007 ರಂದು ಅಸ್ತಿತ್ವಕ್ಕೆ ಬಂದಿರುತ್ತದೆ. ಈ ಕೋಶವು ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ (ಅರಣ್ಯಪಡೆ ಮುಖ್ಯಸ್ಥರು) ರವರ ಕಚೇರಿಗೆ ಒಳಪಟ್ಟಿರುತ್ತದೆ ಮತ್ತು ಮತ್ತು ಅಪರ ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿಗಳು (ಕಾನೂನು ಕೋಶ) ಇವರು ಮುಖ್ಯಸ್ಥರಾಗಿರುತ್ತಾರೆ. ಇದಕ್ಕೆ ಯಾವುದೇ ಅಧೀನ ಕಚೇರಿಗಳಿರುವುದಿಲ್ಲ. ಕಾನೂನು ಕೋಶವು ಅದಕ್ಕೆ ವಹಿಸಲಾಗಿರುವ ನ್ಯಾಯಾಲಯ ಪ್ರಕರಣಗಳ ಬಗ್ಗೆ ಉಸ್ತುವಾರಿಯನ್ನು ನೋಡಿಕೊಳ್ಳುತ್ತದೆ. ಕಾನೂನು ಕೋಶದಲ್ಲಿ ಕಿರಿಯ ನ್ಯಾಯಾಲಯದ ಹಂತದಿಂದ ಸರ್ವೋಚ್ಛ ನ್ಯಾಯಾಲಯದ ಹಂತದವರೆಗಿನ ಪ್ರಕರಣಗಳು ಅಂದರೆ ಸಿಟಿ ಸಿವಿಲ್‌ ಕೋರ್ಟ್ (ಜ್ಯೂನಿಯರ್ ಡಿವಿಷನ್‌)/ ಜೆ.ಎಂ.ಎಫ್‌.ಸಿ, ಅಸಲು ದಾವೆಗಳು, ಕಾರ್ಮಿಕ ನ್ಯಾಯಾಲಯ ಪ್ರಕರಣಗಳು, ಸೇವೆಯ ಪ್ರಕರಣಗಳು, ಗ್ರಾಹಕರ ವೇದಿಕೆ ಪ್ರಕರಣಗಳು, ವಾಹನ ಅಪಘಾತ ಪ್ರಕರಣಗಳು, ಸಿವಿಲ್ ಮತ್ತು ಕ್ರಿಮಿನಲ್ ಪ್ರಕರಣಗಳು, ಮೇಲ್ಮನವಿಗಳು, ಮುಂತಾದ ಹಲವಾರು ಪ್ರಕರಣಗಳ ಬಗ್ಗೆ ವ್ಯವಹರಿಸಲಾಗುತ್ತದೆ. ಕಾರ್ಯಕ್ರಮಗಳು ಮತ್ತು ಚಟುವಟಿಕೆಗಳು: ಕರ್ನಾಟಕ ಅರಣ್ಯ ಇಲಾಖೆಯ ಕಾನೂನು ಕೋಶ ಈ ಕೆಳಗಿನ ಚಟುವಟಿಕೆಗಳನ್ನು ನೆರವೇರಿಸುತ್ತದೆ. • ಇಲಾಖೆಯ ಎ, ಬಿ, ಸಿ ಮತ್ತು ಡಿ ವರ್ಗದ ಅಧಿಕಾರಿಗಳು / ಮೇಲಧಿಕಾರಿಗಳ (ಐ.ಎಫ್‌.ಎಸ್‌. ಅಧಿಕಾರಿಗಳನ್ನು ಹೊರತುಪಡಿಸಿ) ಇಲಾಖಾ ವಿಚಾರಣೆ, ಶಿಸ್ತುಕ್ರಮ ಪ್ರಕರಣಗಳಿಗೆ ಸಂಬಂಧಿಸಿದ ಪ್ರಕರಣಗಳ ನಿರ್ವಹಣೆ, • ಇಲಾಖೆಯ ಅಧಿಕಾರಿ / ನೌಕರರಿಗೆ ನ್ಯಾಯಾಲಯ ಪ್ರಕರಣಗಳಲ್ಲಿ ಮಾರ್ಗದರ್ಶನ ನೀಡುವುದು • ಅರಣ್ಯ ಕಚೇರಿಗಳು ತಯಾರಿಸಿದ ಕಂಡಿಕೆವಾರು ಷರಾಗಳನ್ನು ಕಾನೂನು ಕೋಶಕ್ಕೆ ಅಭಿಪ್ರಾಯ ಮತ್ತು ಪರಿಶೀಲನೆಗಾಗಿ ಮಂಡಿಸಿದಾಗ ಅದನ್ನು ಪರಿಶೀಲಿಸುವುದು, ಸರಿಪಡಿಸುವುದು ಹಾಗೂ ಮಾರ್ಪಡಿಸುವುದು, • ಕಾನೂನು ಕೋಶಕ್ಕೆ ಕಳುಹಿಸಿರುವ ಕಡತಗಳಲ್ಲಿ ಅಭಿಪ್ರಾಯ ನೀಡುವುದು. • ಇಲಾಖೆಯ ವ್ಯಾಜ್ಯ ಗಳಿಗೆ ಸಂಬಂಧಪಟ್ಟಂತೆ ಕಾಗದ ಪತ್ರಗಳ ವ್ಯವಹಾರ ಮಾಡುವುದು

ಕಾರ್ಯಕ್ರಮಗಳು & ಚಟುವಟಿಕೆಗಳು

ಕಾನೂನು ಚಟುವಟಿಕೆ

ಇನ್ನಷ್ಟು ನೋಡಿ

ಸುತ್ತೋಲೆಗಳು & ಆದೇಶಗಳು