A- A A+
  • 6363308040
  • 1926

ಕರ್ನಾಟಕದಲ್ಲಿ ಮುಖ್ಯವಾಗಿ ಎಲೆ ಉದುರುವ ಹಾಗೂ ನಿತ್ಯ ಹರಿದ್ವರ್ಣ ಕಾಡುಗಳಿವೆ. ಎಲೆ ಉದರುವ ಕಾಡುಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಎಲೆ ಉದುರುವ ಲಕ್ಷಣಗಳನ್ನು ಹೊಂದಿದ ಮರಗಳು ಹಾಗೂ ನಿತ್ಯ ಹರಿದ್ವರ್ಣ ಅರಣ್ಯಗಳಲ್ಲಿ ಯಾವಾಗಲೂ ಹಸಿರಾಗಿರುವಂತಹ ಮರಗಳನ್ನು ಹೊಂದಿರುತ್ತವೆ. ಎಲೆ ಉದುರುವ ಮರಗಳು ಪ್ರತೀ ವರ್ಷ ಒಂದು ನಿರ್ಧಿಷ್ಟ ಕಾಲದಲ್ಲಿ ಎಲ್ಲಾ ಎಲ್ಲೆಗಳನ್ನು ಕೆಲವು ದಿನಗಳಿಂದ ಹಿಡಿದು ತಿಂಗಳವರೆಗೆ ಉದುರಿಸುತ್ತವೆ. ಉಷ್ಣವಲಯದ ಎಲೆ ಉದುರುವ ಕಾಡುಗಳಲ್ಲಿ ಮಣ್ಣಿನಲ್ಲಿ ನೀರಿನ ಲಭ್ಯತೆಯ ಮೇಲೆ ಎಲೆ ಉದುರುವಿಕೆ ಲಕ್ಷಣೆಗಳು ಅವಲಂಬಿಸಿರುತ್ತದೆ. ನಿತ್ಯ ಹರಿದ್ವರ್ಣ ಮರಗಳು ಸಹಿತ ಎಲೆ ಉದುರುವಿಕೆ ಹೊಂದಿರುತ್ತವೆ ಆದರೆ ಎಲ್ಲಾ ಎಲೆಗಳನ್ನು ಒಂದೇ ಕಾಲದಲ್ಲಿ ಉದುರಿಸುವುದಿಲ್ಲ. ಆದ್ದರಿಂದ ವರ್ಷದಲ್ಲಿ ಯಾವಗಲೂ ಎಲೆಗಳನ್ನು ಹೊಂದಿರುವಂತೆ ಕಾಣುತ್ತವೆ. ರಾಜ್ಯದ ಒಣಪ್ರದೇಶಗಳಲ್ಲಿ ಮತ್ತು ಅವನತಿ ಹೊಂದಿದ ಅರಣ್ಯ ಪ್ರದೇಶಗಳಲ್ಲಿ ಮುಳ್ಳಿನ ಜಾತಿಯ ಗಿಡಗಂಟುಗಳು ಹೆಚ್ಚಿರುತ್ತವೆ. ಆ ಪ್ರದೇಶದ ಕಠಿಣ ಪ್ರರಿಸ್ಥಿತಿಗಳಿಗೆ ಹೊಂದಿಕೊಳ್ಳಲು, ನೀರು ಮತ್ತು ಶಕ್ತಿಯನ್ನು ಸಂರಕ್ಷಿಸಿಕೊಳ್ಳಲು ಹಾಗೂ ಸಸ್ಯಹಾರಿ ಪ್ರಾಣಿಗಳಿಂದ ರಕ್ಷಿಸಿಕೊಳ್ಳಲು ಮರಗಳು ಈ ರೀತಿಯಾಗಿ ರೂಪಾಂತರಗೊಳ್ಳುತ್ತವೆ.

ಕರ್ನಾಟಕ ರಾಜ್ಯದಲ್ಲಿ ನಿತ್ಯ ಹರಿದ್ವರ್ಣ, ಅರೆ ನಿತ್ಯ ಹರಿದ್ವರ್ಣ, ತೇವಭರಿತ ಎಲೆ ಉದುರುವ, ಒಣ ಎಲೆ ಉದುರುವ ಹಾಗೂ ಮುಳ್ಳಿನ ಕಾಡುಗಳಂತಹ ಉಷ್ಣವಲಯದ ಪ್ರಮುಖ ಕಾಡುಗಳ ಜೊತೆಗೆ ಕೆಲವು ವಿಶೇಷವಾದ ಅರಣ್ಯಗಳನ್ನು ನೋಡಬಹುದು. ಇವುಗಳಲ್ಲದೇ ಹುಲ್ಲುಗಾವಲಿನಿಂದ ಆವೃತ್ತವಾದ ಶೋಲಾ ಅರಣ್ಯ, ಕಾಂಡ್ಲವನ, ಮಿರಿಸ್ಟಿಕಾ ಜೌಗು ಅರಣ್ಯ, ಕಮರಾ ಅರಣ್ಯ (ಹಾರ್ಡ್ವಿಕಿಯಾ ಬಿನಾಟಾ), ಧೂಪ (ಬೋಸ್ವಿಲಿಯಾ ಸೆರಾಟಾ) ಮತ್ತು ಜಾಲಾರಿ (ಶೊರಿಯಾ ತಲುರಾ), ಕೊಡಗು ಜಿಲ್ಲೆಯ ದೇವರಕಾಡುಗಳು, ಮೈಸೂರು ಮತ್ತು ಕೊಡಗು ಜಿಲ್ಲೆಯ ಹಡ್ಲು, ಸೊರಬ, ಸಾಗರ ಮತ್ತು ಬನವಾಸಿ ತಾಲೂಕುಗಳ ಕಾನ್ಸ್ ಮುಂತಾದವುಗಳನ್ನು ಸಹ ಕಾಣಬಹುದು.

ಶೋಲಾ
ನಿತ್ಯ ಹರಿದ್ವರ್ಣ ಅರಣ್ಯ
ಮ್ಯಾಂಗ್ರೂವ್ಸ್
ತೇವಾಂಶಭರಿತ ಎಲೆ ಉದುರುವ ಅರಣ್ಯ
ಮಿರಿಸ್ಟಿಕಾ ಜೌಗುಪ್ರದೇಶಗಳು
ಶುಷ್ಕ ಎಲೆಉದುರುವ ಅರಣ್ಯ
ಕರ್ನಾಟಕದ ಅರಣ್ಯ ಸಸ್ಯವರ್ಗ
ಕ್ರ. ಸಂ. ಅರಣ್ಯ ವಿಧಗಳ ಶೀರ್ಷಿಕೆಗಳು ಅರಣ್ಯ ವಿಧಗಳು
1 ದಕ್ಷಿಣ ಉಷ್ಣವಲಯದ ತೇವಭರಿತ ನಿತ್ಯ ಹರಿದ್ವರ್ಣ ಅರಣ್ಯ 1ಎ/ಸಿ4
2 ದಕ್ಷಿಣ ಗಿರಿಶಿಖರ ಉಷ್ಣವಲಯದ ನಿತ್ಯ ಹರಿದ್ವರ್ಣ ಕಾಡು 1ಎ/ಸಿ3
3 ದಕ್ಷಿಣ ಉಪ ಉಷ್ಣವಲಯದ ಬೆಟ್ಟದ ಅರಣ್ಯ 8ಎ/ಸಿ1
4 ದಕ್ಷಿಣ ಭಾರಗದ ಉಪ ಉಷ್ಣವಲಯದ ಬೆಟ್ಟದ ಹುಲ್ಲು ಕಾಡು 8ಎ/ಡಿಎಸ್1
5 ಮಿರಿಸ್ಟಿಕಾ ಜೌಗು ಪ್ರದೇಶ 4ಸಿ/ಎಫ್ಎಸ್1
6 ಬೆತ್ತದ ಪ್ರದೇಶ 1ಇ1, 2ಇ1
7 ತೇವಭರಿತ ಬಿದಿರು ಪ್ರದೇಶ 1/ಇ2
8 ಒಕ್ಲಾಂಡ್ರಾ ಜೊಂಡು ಪ್ರದೇಶ 8ಎ/ಇ1
9 ಪ್ರವರ್ತಕ ಯುಫೋಬೇಷಿಯಸ್ ಕುರುಚಲು ಕಾಡು 1/2ಎಸ್1
10 ಕಾಂಡ್ಲ ಅರಣ್ಯ 4ಬಿ/ಟಿಎಸ್2
11 ದಕ್ಷಿಣ ಉಷ್ಣವಲಯದ ಅರೆ ನಿತ್ಯ ಹರಿದ್ವರ್ಣ ಅರಣ್ಯ 2ಎ/ಸಿ2
12 ಪಶ್ಛಿಮ ಕರಾವಳಿ ದ್ವಿತೀಯ ನಿತ್ಯ ಹರಿದ್ವರ್ಣ ಡಿಪ್ಟೆರೋಕಾಪರ್ಸ ಅರಣ್ಯ 2ಎ/2ಎಸ್1
13 ಲ್ಯಾಟರೈಟಿಕ್ ಅರೆ ನಿತ್ಯ ಹರಿದ್ವರ್ಣ ಕಾಡು 2ಬಿ/ಇ4
14 ತೇವಭರಿತ ಬಿದಿರು ಪ್ರದೇಶಗಳು 2ಬಿ/ಇ3
15 ದಕ್ಷಿಣ ವಲಯದ ಆದ್ರಎಲೆಉದುರುವ ತೇಗದ ಮರಗಳ ಕಾಡು 3ಬಿ/ಸಿ1
16 ಅತಿತೇಂವಾಶದ ತೇಗದ ಮರಗಳ ಕಾಡು 3ಬಿ/ಸಿ1ಎ
17 ತೇವಾಂಶದ ತೇಗದ ಮರಗಳ ಕಾಡು 3ಬಿ/ಸಿ1ಬಿ
18 ಸ್ವಲ್ಪ ತೇವಾಂಶದ ತೇಗದ ಮರಗಳ ಕಾಡು 3ಬಿ/ಸಿ1ಸಿ
19 ದಕ್ಷಿಣ ತೇವಾಂಶದ ಎಲೆ ಉದುರುವ ಮಿಶ್ರ ಕಾಡು 3ಬಿ/ಸಿ2
20 ದಕ್ಷಿಣ ದ್ವಿತೀಯ ತೇವ ಭರಿತ ಮಿಶ್ರ ಎಲೆ ಉದುರುವ ಕಾಡು 3ಬಿ/ಸಿ2/2ಎಸ್1
21 ನದಿತೊರೆಗಳ ಕಾಡು 4ಇ/ಆರ್ಎಸ್ಐ
22 ಒಣ ತೇಗದ ಮರಗಳಿರುವ ಕಾಡು 5ಎ/ಸಿ1
23 ಅತೀ ಒಣ ತೇಗದ ಅರಣ್ಯ 5ಎ/ಸಿ1ಎ
24 ಒಣ ತೇಗದ ಕಾಡು 5ಎ/ಸಿ1ಬಿ
25 ದಕ್ಷಿಣ ಒಣ ಮಿಶ್ರ ಎಲೆ ಉದುರುವ ಕಾಡು 5ಎ/ಸಿ3
26 ಬೊಸ್ವೇಲೀಯ ಕಾಡು 5/ಇ2
27 ಕಮರಾ ಕಾಡು 5/E4
28 ಒಣ ಬಿದಿರು ಪ್ರದೇಶ 5/ಇ9
29 ಎಲೆ ಉದುರುವ ಒಣ ಕುರುಚಲು ಕಾಡು 5/ಡಿಎಸ್1
30 ಮರಗಳಿಂದ ಕೂಡಿದ ಹುಲ್ಲುಗಾವಲು ಒಣ ಕಾಡು 5/ಡಿಎಸ್2
31 ಉಷ್ಣ ವಲಯದ ಒಣ ನದಿ ತೊರೆಗಳ ಕಾಡು 5/1ಎಸ್1
32 ದ್ವಿತೀಯ ಒಣ ಎಲೆ ಉದುರುವ ಕಾಡು 5/2ಎಸ್1
33 ಯುಪೋಬಿಯ ಕುರುಚಲು ಕಾಡು 5/ಡಿಎಸ್3
34 ಲ್ಯಾಟರೈಟಿಕ್ ಕುರುಚಲು ಅರಣ್ಯ 5/ಇ7
35 ಒಣ ಹುಲ್ಲುಗಾವಲು 5/ಡಿಎಸ್4
36 ದಕ್ಷಿಣ ಮುಳ್ಳಿನ ಕಾಡು 6ಎ/ಸಿ1
37 ದಕ್ಷಿಣ ಮುಳ್ಳಿನ ಕುರುಚಲು ಕಾಡು 6ಎ/ಡಿಎಸ್1
38 ದಕ್ಷಿಣ ಯುಪೋಬಿಯ ಕುರುಚಲು ಕಾಡು 6ಎ/ಡಿಎಸ್2