• ಸಾಮಾನ್ಯ ಹೆಸರು : ಧುಮಾ
• ವೈಜ್ಞಾನಿಕ ಹೆಸರು : ಡಿಪ್ತೆರೊಕಾರ್ಪಸ್‌ ಇಂಡಿಕಸ್
• ಕೌಟುಂಬಿಕ ಹೆಸರು : ಡಿಪ್ತೆರೊಕಾರ್ಪೆಸಿ
• ಸ್ಥಳೀಯತೆ : ಇದು ಮಧ್ಯ ಮತ್ತು ದಕ್ಷಿಣ ಭಾಗದ ಪಶ್ಚಿಮ ಘಟ್ಟಗಳಿಗೆ (ಉತ್ತರ ಕನ್ನಡ ಜಿಲ್ಲೆ ಮತ್ತು ಕೇರಳದವರೆಗೆ ದಕ್ಷಿಣಾಭಿಮುಖವಾಗಿ) ಸ್ಥಳೀಯವಾಗಿದೆ.

• ನಿತ್ಯಹಸಿರು ಕಾಡುಗಳಲ್ಲಿ 800 ಮೀಟರ್ ಎತ್ತರದವರೆಗಿನ ಸ್ಥಳಗಳಲ್ಲಿ ಬೆಳೆಯುವ ಛಾವಣಿ ಸ್ವರೂಪದ ಮರ. • ಇದು ಸಾಮಾನ್ಯವಾಗಿ ಸುಮಾರು 40 ಮೀ ಎತ್ತರ ಮತ್ತು 4 ರಿಂದ 5 ಮೀ ಸುತ್ತಳತೆಯವರೆಗೆ ಬೆಳೆಯುವ ಪಶ್ಚಿಮ ಘಟ್ಟದ ಅತಿ ಎತ್ತರದ ಮತ್ತು ಅತಿ ದೊಡ್ಡ ನಿತ್ಯ ಹಸಿರು ಕಾಡುಗಳಲ್ಲಿ ಒಂದು ಅತ್ಯಂತ ಅನುಕೂಲಕರ ಪರಿಸ್ಥಿತಿಗಳಲ್ಲಿ ಈ ಪ್ರಭೇದಗಳು ಸುಮಾರು 60 ಮೀವರೆಗಿನ ಎತ್ತರಕ್ಕೆ ಬೆಳೆದ ವರದಿಗಳಿವೆ. • ಆಳವಾಗಿ ಬಿರುಕು ಬಿಟ್ಟ ಕಾಂಡ, ಸ್ಪಷ್ಟವಾಗಿ ಕಾಣುವ ಎಲೆಗಳು, ಮತ್ತು ಶಟಲ್‌ ಕಾಕ್‌ನಂತೆ ಕಾಣುವ ಹಣ್ಣುಗಳನ್ನು ಇದು ಹೊಂದಿರುತ್ತದೆ. • ರೈಲ್ವೆ ಸ್ಲೀಪರ್‌ಗಳಿಗಾಗಿ ಕರ್ನಾಟಕದಿಂದ ಬಳಸಲಾಗುತ್ತಿದ್ದ ಬಹಳ ಹಳೆಯ ನಿತ್ಯ ಹಸಿರು ಪ್ರಬೇಧಗಳಲ್ಲಿ ಒಂದು. • ಮರದ ಕಾಂಡ ಮಧುರ ವಾಸನೆಯ ಅಂಟನ್ನು ನೀಡುತ್ತದೆ, ಇದು ಔಷಧೀಯ ಗುಣ (ರುಮ್ಯಾಟಿಸಂ ಇತ್ಯಾದಿಗಳಿಗೆ) ಹಾಗೂ ಸ್ಪಿರಿಟ್‌ಗಳು ಮತ್ತು ವಾರ್ನಿಷ್‌ಗಳ ಉತ್ಪಾದನೆಯಂಥ ವಾಣಿಜ್ಯ ಬಳಕೆಗೂ ಉಪಯುಕ್ತವಾಗಿದೆ.

• ಸಾಮಾನ್ಯ ಹೆಸರು : ಸಾಲಧೂಪ
• ವೈಜ್ಞಾನಿಕ ಹೆಸರು : ವಟೇರಿಯಾ ಇಂಡಿಕಾ
• ಕೌಟುಂಬಿಕ ಹೆಸರು : ಡಿಪ್ತೆರೊಕಾರ್ಪೆಸಿ
• ಸ್ಥಳೀಯತೆ : ಇದು ಮಧ್ಯ ಮತ್ತು ದಕ್ಷಿಣ ಭಾಗದ ಪಶ್ಚಿಮ ಘಟ್ಟಗಳಿಗೆ ಸ್ಥಳೀಯವಾಗಿದೆ.

• ನಿತ್ಯಹಸಿರು ಕಾಡಿನ ಬಹಳ ದೊಡ್ಡ, ಭಾರಿ ಗಾತ್ರದ, ವಿಶಾಲವಾಗಿ ಹರಡಿಕೊಳ್ಳುವ ಮತ್ತು ಅಂಟು ಇರುವ ಮರವಾಗಿದೆ. • ಉದ್ದ ಮರ ಸಾಮಾನ್ಯವಾಗಿ 40 ಮೀ, ಕೆಲವೊಮ್ಮೆ 60 ಮೀವರೆಗೆ ಬೆಳೆಯುತ್ತದೆ. • ಹೂವುಗಳು ಆಕರ್ಷಕವಾಗಿರುತ್ತವೆ, ಹಳದಿ ಗುಚ್ಛಗಳೊಂದಿಗೆ ಬಿಳಿ ಬಣ್ಣದಲ್ಲಿದ್ದು ಕದಿರು ಮಾದರಿ ಹೂ ಬಿಡುತ್ತದೆ. • ಮರವು ಹಗುರವಾಗಿದ್ದು, ಮಧ್ಯಮ ಬಾಳಿಕೆ ಹೊಂದಿರುತ್ತದೆ, ಪ್ಲೈವುಡ್‌ನ ಪಾಸ್ಟ್‌ಗೆ ಬಳಸಲಾಗುತ್ತದೆ. • ಮರದ ಕಾಂಡವನ್ನು ಗೀರುವ ಮೂಲಕ ವೈಟ್‌ ಡ್ಯಾಮರ್ ಎನ್ನುವ ಅಂಟು ಸಿಗುತ್ತದೆ.ಇದು ಉತ್ತಮ ವಾರ್ನಿಷ್‌ ತಯಾರಿಕೆಗೆ ಸೂಕ್ತವಾಗಿದೆ, ಗಂಧದ ಕಡ್ಡಿ (ಸಾಂಬ್ರಾಣಿ) ಮತ್ತು ಔಷಧಿ (ಕುಷ್ಟ, ಚರ್ಮರೋಗ ಇತ್ಯಾದಿ)ಯಾಗಿ ಬಳಸಲ್ಪಡುತ್ತದೆ. • ಬೀಜಗಳು ‘ಪೈನೀ ಟ್ಯಾಲೋ’ ಎಂದು ಕರೆಯಲಾಗುವ 50ವರೆಗೆ ಘನ ರೂಪದ ಎಣ್ಣೆ (ಸಸ್ಯ ಬೆಣ್ಣೆ) ಹೊಂದಿರುತ್ತವೆ, ಇದನ್ನು ಆಹಾರಕ್ಕೆ ಸ್ವಾದ ಸೇರಿಸಲು ಮತ್ತು ತುಪ್ಪಕ್ಕೆ ಬದಲಾಗಿ ಬಳಸಬಹುದು.ಇದನ್ನು ದೀಪಗಳಿಗೆ ಎಣ್ಣೆಯ ರೂಪದಲ್ಲಿ ಮತ್ತು ಮೇಣದ ಬತ್ತಿಗಳನ್ನು ತಯಾರಿಸುವುದಕ್ಕೂ ಸಹ ಬಳಸಲಾಗುತ್ತದೆ. • ಮಲೆನಾಡು ಪ್ರದೇಶಗಳಲ್ಲಿ ರಸ್ತೆ ಬದಿ ನೆಡುವುದಕ್ಕೆ ಸೂಕ್ತ ಮರವಾಗಿದೆ.ಮೈಸೂರು ಸಂಸ್ಥಾನದಲ್ಲಿ ಶಿವಮೊಗ್ಗ ಜಿಲ್ಲೆಯಲ್ಲಿ ನೆಟ್ಟಾಗ ಉತ್ತಮವಾಗಿ ಬೆಳೆದಿದ್ದವು.

• ಸಾಮಾನ್ಯ ಹೆಸರು : ಕಾಯಿಧೂಪ
• ವೈಜ್ಞಾನಿಕ ಹೆಸರು : ಕೆನರಿಯಮ್ ಸ್ಟ್ರಿಕ್ಟಮ್‌
• ಕೌಟುಂಬಿಕ ಹೆಸರು : ಬರ್ಸೆರೆಸೀ
• ಸ್ಥಳೀಯತೆ : ಭಾರತ ಮತ್ತು ಅಪ್ಪರ್‌ ಮ್ಯಾನ್ಮಾರ್‌

• ನೇರ ಕಾಂಡದ, ಸುಂದರವಾದ, ನಿತ್ಯಹಸಿರು, ಅಂಟಿನ ಮರವಾಗಿದ್ದು ಸುಮಾರು 30 ಮೀ ವರೆಗೆ ಎತ್ತರ ಹಾಗೂ 90 ಸೆಂಮೀ ವರೆಗೆ ಸುತ್ತಳತೆ ಹೊಂದಿರುತ್ತದೆ. • ಇದು ನಿತ್ಯಹಸಿರು ಹಾಗೂ ಅರೆ ನಿತ್ಯಹಸಿರು ಅರಣ್ಯಗಳಲ್ಲಿ ಕಂಡುಬರುತ್ತದೆ ಕೆಲವೊಮ್ಮೆ ತೇವಾಂಶಭರಿತ ಎಲೆಯುದುರುವ ಕಾಡುಗಳ ಒದ್ದೆ ಭಾಗಗಳಲ್ಲಿ ಕಂಡುಬರುತ್ತದೆ. • ಕಡು ಕಂದು ಬಣ್ಣದಿಂದ ಕಪ್ಪು ಬಣ್ಣದವರೆಗೆ ಬಣ್ಣ ವ್ಯತ್ಯಾಸ ಹೊಂದಿರುವ ಅಂಟು ಕಾಂಡ ಕತ್ತರಿಸಿದ ಭಾಗದಿಂದ ಹೊರಬರುತ್ತದೆ. • ಈ ಮರದ ನಿಚ್ಚಳವಾದ ವೆಲ್ವೆಟ್‌-ಕ್ರಿಮ್ಸನ್‌ ಬಣ್ಣದ ತೆಳುವಾದ ಎಲೆಗಳಿಂದಾಗಿ ಈ ಮರ ಎದ್ದು ಕಾಣುತ್ತದೆ. • ಹೂವುಗಳು ದಟ್ಟವಾಗಿರುತ್ತವೆ, ಸಣ್ಣ ಸುವಾಸನೆ ಹೊಂದಿರುತ್ತವೆ, ಕದಿರು ಮಾದರಿಯಲ್ಲಿ ಬೆಳೆಯುತ್ತವೆ. • ಇದು ಹೊರಸೂಸುವ ಬ್ಲ್ಯಾಕ್‌ ಡ್ಯಾಮರ್‌ ಎನ್ನುವ ಅಂಟಿನ ಔಷಧೀಯ ಮತ್ತು ವಾಣಿಜ್ಯ ಉಪಯೋಗಗಳಿಗಾಗಿ ಕೈಧೂಪ ಮರ ಪ್ರಸಿದ್ಧವಾಗಿದೆ. • ಇದರ ಕಾಂಡ ಗುಲಾಬಿ ಬಣ್ಣದಲ್ಲಿರುತ್ತದೆ ಉತ್ತಮವಾಗಿ ಬೆಳೆದ ಮರದ ದಿಮ್ಮಿ ಛಾವಣಿಗೆ, ನೆಲಹಾಸಿಗೆ, ಗೋಡೆ ಮುಂತಾದವುಗಳಿಗೆ ಉತ್ತಮ ಸಾಮಗ್ರಿಯಾಗುತ್ತದೆ.

• ಸಾಮಾನ್ಯ ಹೆಸರು : ಎಣ್ಣೆಮರ
• ವೈಜ್ಞಾನಿಕ ಹೆಸರು : ಕಿಂಗಿಯೊಡೆಂಡ್ರಾನ್‌ ಪಿನಾಟಮ್‌
• ಕೌಟುಂಬಿಕ ಹೆಸರು : ಕೇಸಾಲ್‌ಪಿನಿಯೊಡೇ
• ಸ್ಥಳೀಯತೆ : ಇದು ದಕ್ಷಿಣ ಭಾಗದ ಪಶ್ಚಿಮ ಘಟ್ಟಗಳಿಗೆ ಸ್ಥಳೀಯವಾಗಿದೆ.

• ಒದ್ದೆ ನಿತ್ಯಹಸಿರು ಕಾಡುಗಳಲ್ಲಿ 900 ಮೀಟರ್ ಎತ್ತರದವರೆಗೆ ಬೆಳೆಯುವ ಛಾವಣಿ ಸ್ವರೂಪದ ಮರ. • ಇದು ಸುಮಾರು 35 ಮೀ ವರೆಗೆ ಎತ್ತರ ಹಾಗೂ 1.2 ಮೀ ವರೆಗೆ ಸುತ್ತಳತೆ ಹೊಂದಿರುತ್ತದೆ. • ಹೂವುಗಳು ಸಣ್ಣದಾಗಿರುತ್ತವೆ, ಅಸಂಖ್ಯಾತವಾಗಿರುತ್ತವೆ, ಬಿಳಿ ಬಣ್ಣ ಹೊಂದಿರುತ್ತವೆ, ಕದಿರು ಮಾದರಿಯಲ್ಲಿ ಬೆಳೆಯುತ್ತವೆ. • ಮರದ ಕಾಂಡವನ್ನು ನೆಲದ ವಿನ್ಯಾಸಕ್ಕೆ ಅತ್ಯುತ್ತಮ ಗುಣಮಟ್ಟದ್ದು ಎಂದು ಪರಿಗಣಿಲಸಲಾಗುತ್ತದೆ ನಿರ್ಮಾಣ, ನೆಲಹಾಸು, ಛಾವಣಿ ಬೋರ್ಡ್‌ಗಳು, ಕ್ಯಾಬಿನೆಟ್‌ ವರ್ಕ್‌, ಬಿಲಿಯರ್ಡ್ಸ್ ಟೇಬಲ್‌ ಸೇರಿದಂತೆ ಉನ್ನತ ಮಟ್ಟದ ಪೀಠೋಪಕರಣಗಳ ನಿರ್ಮಾಣ ಮುಂತಾದವುಗಳಿಗೆ ಬಳಸಲಾಗುತ್ತದೆ. ಹಿಂದಿನ ಕಾಲದಲ್ಲಿ ಪ್ಲೈವುಡ್‌ ಮತ್ತು ಅಲಂಕಾರಿಕ ಪೀಠೋಪಕರಣಗಳಿಗೆ ಬಳಸಲಾಗುತ್ತಿತ್ತು. • ಕತ್ತರಿಸಿದ ಮರದಿಂದ ಸಿಗುವ ಒಲಿಯೊ-ರೆಸಿನ್‌ ಅನ್ನು ವಾಣಿಜ್ಯ (ವಾರ್ನಿಷ್‌) ಉದ್ದೇಶಗಳಿಗಾಗಿ ಮತ್ತು ಔಷಧಿಯಾಗಿ ಬಳಸಲಾಗುತ್ತದೆ.ಆನೆಗಳ ಹುಣ್ಣು ಗುಣಪಡಿಸಲು ಸಹ ಇದನ್ನು ಬಳಸಲಾಗುತ್ತದೆ.ಅನೇಕ ಆಯುರ್ವೇದ ಔಷಧ ತಯಾರಿಸುವಿಕೆಯಲ್ಲಿ, ವಿಶೇಷವಾಗಿ ಸ್ತ್ರೀರೋಗಗಳ ಔಷಧದಲ್ಲಿ ಮರದ ತೊಗಟೆಯನ್ನು ಸರ್ಕಾ ಅಸೋಕಾ (ಅಶೋಕ) ಮರಕ್ಕೆ ಬದಲಿಯಾಗಿ ಕೂಡ ಬಳಸಲಾಗುತ್ತದೆ.

• ಸಾಮಾನ್ಯ ಹೆಸರು : ಪಾಲಿ
• ವೈಜ್ಞಾನಿಕ ಹೆಸರು : ಪಾಲಾಕ್ವಿಯಮ್‌ ಎಲಿಪ್ಟಿಕಮ್‌
• ಕೌಟುಂಬಿಕ ಹೆಸರು : ಸಪಟೇಸೀ
• ಸ್ಥಳೀಯತೆ : ಇದು ದಕ್ಷಿಣ ಮತ್ತು ಕೇಂದ್ರ ಭಾಗದ ಪಶ್ಚಿಮ ಘಟ್ಟಗಳಿಗೆ ಸ್ಥಳೀಯವಾಗಿದೆ.

• ಇದು ನಿತ್ಯ ಹಸಿರು ಅರಣ್ಯಗಳಲ್ಲಿ 1500 ಮೀ ಎತ್ತರದವರೆಗಿನ ಕಡಿಮೆ ಮತ್ತು ಮಧ್ಯಮ ಎತ್ತದ ಪ್ರದೇಶಗಳಲ್ಲಿ ಬೆಳೆಯುವ ಛಾವಣಿ ರೂಪದ ಮರವಾಗಿದೆ. • ಇದು ಸುಮಾರು 35 ಮೀ ವರೆಗೆ ಎತ್ತರ ಹಾಗೂ ಒಂದು ಮೀ ವರೆಗೆ ಸುತ್ತಳತೆ ಹೊಂದಿರುತ್ತದೆ. • ಇದರ ಕಾಂಡ ಕೆಂಪು ಕಂದು ಬಣ್ಣದಲ್ಲಿರುತ್ತದೆ, ಇದು ಹಾಲಿನ ಬಣ್ಣದ ರಸವನ್ನು ಹೊರಸೂಸುತ್ತದೆ. • ಈ ಮರದ ಒಳ ತಿರುಳು ಕೆಂಪು ಅಥವಾ ಕೆಂಪು ಕಂದು ಬಣ್ಣದಲ್ಲಿರುತ್ತದೆ, ಬಹಳಷ್ಟು ಮಟ್ಟಿಗೆ ನೇರ ಗೆರೆಗಳನ್ನು ಹೊಂದಿರುತ್ತದೆ ಮತ್ತು ಒಂದೇ ಸಮಾನವಾದ ವಿನ್ಯಾಸ ಹೊಂದಿರುತ್ತದೆ ಹಾಗೂ ಕತ್ತರಿಸಿದಾಗ ರಬ್ಬರ್‌ನಂಥ ವಾಸನೆಯನ್ನು ಹೊಂದಿರುತ್ತದೆ. ಒಂದು ವೇಳೆ ಸೂಕ್ತವಾಗಿ ಬೆಳೆಸಿದರೆ ಇದು ಉತ್ತಮ ಗುಣಮಟ್ಟದ ಮರ ಮತ್ತು ಬಾಳಿಕೆ ಬರುವಂಥದ್ದಾಗಿರುತ್ತದೆ, ನಿರ್ಮಾಣ ಕಾಮಗಾರಿ, ಪೀಠೋಪಕರಣ ಮುಂತಾದವುಗಳಿಗೆ ಇದನ್ನು ಬಳಸಲಾಗುತ್ತದೆ. ಪ್ಲೈವುಡ್‌ ತಯಾರಿಕೆಗೆ ಬಳಸುವ ಪ್ರಮುಖ ಪ್ರಭೇದಗಳ ಪೈಕಿ ಇದು ಒಂದಾಗಿದೆ. • ಮರದಿಂದ ಹೊರಬರುವ ಹಾಲಿನಂಥ ರಸ ಕಳಪೆ ಗುಣಮಟ್ಟದ ಗುಟ್ಟಾ ಪರ್ಚಾ ನೀಡುತ್ತದೆ.

• ಸಾಮಾನ್ಯ ಹೆಸರು : ಕಿರಾಲಬೋಗಿ/ ಬೋಗಿ
• ವೈಜ್ಞಾನಿಕ ಹೆಸರು : ಹಾಪಿಯಾ ಪರ್ವಿಫ್ಲೋರಾ
• ಕೌಟುಂಬಿಕ ಹೆಸರು : ಡಿಪ್ತೆರೊಕಾರ್ಪೆಸಿ
• ಸ್ಥಳೀಯತೆ : ದಕ್ಷಿಣ ಭಾಗದ ಪಶ್ಚಿಮ ಘಟ್ಟಗಳು

• ಇದು ನಿತ್ಯಹಸಿರು ಮತ್ತು ಅರೆ ನಿತ್ಯಹಸಿರು ಕಾಡುಗಳಲ್ಲಿ ಬೆಳೆಯುವ ಸುಂದರ ಮರವಾಗಿದ್ದು ಸುಮಾರು 40 ಮೀ ವರೆಗೆ ಎತ್ತರ ಹಾಗೂ 1.5 ಮೀ ವರೆಗೆ ಸುತ್ತಳತೆ ಹೊಂದಿರುತ್ತದೆ. • ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಗಳ ಉಪ ಅರಣ್ಯಗಳಲ್ಲಿ ಇದು ಪ್ರಬಲವಾಗಿ ಬೆಳೆಯುವ ಮರವಾಗಿದೆ. • ಹೂವುಗಳು ಕೆನೆ ಹಳದಿ ಬಣ್ಣ, ಸುವಾಸನೆ ಹೊಂದಿರುತ್ತವೆ, ಸಣ್ಣಗಾತ್ರ ಮತ್ತು ಬಹಳಷ್ಟು ಇರುತ್ತವೆ, ಕದಿರು ಮಾದರಿಯಲ್ಲಿ ಹೂ ಬಿಡುತ್ತದೆ. • ಕಿರಾಲಬೋಗಿಯ ಹಣ್ಣು ಕಾಯಿಯಂತಿರುತ್ತದೆ, ಸ್ಟ್ರಾ ಬಣ್ಣದ ಲೋಬ್‌ಗಳಂಥ ರಚನೆ ಹೊಂದಿರುತ್ತದೆ. • ಇದರ ದಿಮ್ಮಿ ತಿಳಿ ಬೂದು-ಕಂದು ಅಥವಾ ಕೆಂಪು ಕಂದು ಬಣ್ಣದಲ್ಲಿರುತ್ತದೆ, ಕೆಲವೊಮ್ಮೆ ಹಳದಿ ನಸುಬಣ್ಣ ಹೊಂದಿರುತ್ತದೆ.ಇದು ಮಧ್ಯಮ ಭಾರದ, ಉತ್ತಮ ಮತ್ತು ಸಮನಾದ ವಿನ್ಯಾಸ ಹೊಂದಿದ, ಬಲಿಷ್ಟ, ಗಡುಸಾದ, ಬಾಳಿಕೆ ಬರುವ, ಬಹಳ ಗಟ್ಟಿಮುಟ್ಟಾದ ಉಪಯುಕ್ತ ದಿಮ್ಮಿಯಾಗಿರುತ್ತದೆ.ಬಿಳಿ ಇರುವೆ ದಾಳಿಗೆ ಇದು ಈಡಾಗುವುದಿಲ್ಲ. • ನಿರ್ಮಾಣ, ಪೈಲ್‌ಗಳು, ದೋಣಿ ನಿರ್ಮಾಣ ಮುಂತಾದ ಹಲವು ಕಾರ್ಯಗಳಿಗೆ ಈ ಮರ ಬಳಕೆಯಾಗುತ್ತದೆ. ಕರಾವಳಿ ಪ್ರದೇಶದಲ್ಲಿ ಇದು ಅತ್ಯಂತ ಜನಪ್ರಿಯ ಮರಮಟ್ಟು. • ಉನ್ನತ ಗುಣಮಟ್ಟದ ಚರ್ಮವನ್ನು ಹದಮಾಡುವುದಕ್ಕೆ ತೊಗಟೆಯನ್ನು ಬಳಸಲಾಗುತ್ತದೆ.

• ಸಾಮಾನ್ಯ ಹೆಸರು : ಸಣ್ಣ ಹೊಳೆಗೆರೆ/ ಹೊಳೆಗೆರೆ
• ವೈಜ್ಞಾನಿಕ ಹೆಸರು : ಹೊಲಿಗರ್ನ ಅರ್ನೊಟಿಯಾನಾ
• ಕೌಟುಂಬಿಕ ಹೆಸರು : ಅನಕರ್ಡಿಯೇಸೀ
• ಸ್ಥಳೀಯತೆ : ಪಶ್ಚಿಮ ಘಟ್ಟಗಳು, ಮಧ್ಯದಿಂದ ದಕ್ಷಿಣ ಸಹ್ಯಾದ್ರಿ ಬೆಟ್ಟಗಳು.

• ಇದು ನಿತ್ಯ ಹಸಿರು ಮತ್ತು ಅರೆ ನಿತ್ಯ ಹಸಿರು ಕಾಡುಗಳ ಬೃಹತ್ ಮರ. • ಹೊಲಿಗರ್ನ ಪ್ರಭೇದದ ಮರಗಳು ಅವುಗಳ ಬೃಹತ್‌ ಗಾತ್ರ, ಅಂಡಾಕಾರದ ಎಲೆಗಳಿಗೆ ಮತ್ತು ಹೊರಸೂಸುವ ಕಪ್ಪು ಕಾಸ್ಟಿಕ್‌ ರಸಕ್ಕೆ ಪ್ರಸಿದ್ಧವಾಗಿವೆ.ಈ ರಸ ಚರ್ಮಕ್ಕೆ ಕಿರಿಕಿರಿ ಉಂಟು ಮಾಡುತ್ತದೆ, ಕೆಲವೊಮ್ಮೆ ಗುಣಪಡಿಸಲಾಗದ ಹಾನಿಯನ್ನು ಉಂಟುಮಾಡುವ ಸಾಮರ್ಥ್ಯ ಹೊಂದಿರುತ್ತದೆ.

• ಸಾಮಾನ್ಯ ಹೆಸರು : ಗುಲ್ಲ
• ವೈಜ್ಞಾನಿಕ ಹೆಸರು : ಮಸ್ತಿಕ್ಸಿಯಾ ಅರ್ಬೊರಿಯ
• ಕೌಟುಂಬಿಕ ಹೆಸರು : ಕೊರ್ನಸೆಯಿ
• ಸ್ಥಳೀಯತೆ : ದಕ್ಷಿಣ ಭಾರತದ ಪಶ್ಚಿಮಕ್ಕೆ

• ಇದು ಮಧ್ಯಮದಿಂದ ಭಾರೀ ಗಾತ್ರ ಹೊಂದಿರುವ, ನಿತ್ಯ ಹಸಿರು ಕಾಡುಗಳ ಅಂಟಿನ ಮರ.ಇದು ಶೋಲಾ ಕಾಡುಗಳಲ್ಲೂ ಕಂಡುಬರುತ್ತದೆ. • ಇದು ಸುಮಾರು 30 ಮೀ ವರೆಗೆ ಎತ್ತರ ಹಾಗೂ 60 ಸೆಂ.ಮೀ. ವರೆಗೆ ಸುತ್ತಳತೆ ಹೊಂದಿರುತ್ತದೆ. • ಈ ಮರ ಕರ್ಪೂರದಂಥ ಕಡು ವಾಸನೆ ಹೊಂದಿರುವ ಅಂಟನ್ನು ಹೊರಸೂಸುತ್ತದೆ. • ಇದರ ಕಾಂಡ ಮೃದು, ಹಗುರ, ನೇರ ರೇಖೆ ಹೊಂದಿರುತ್ತದೆ ಮತ್ತು ಮಧ್ಯಮ ವಿನ್ಯಾಸದೊಂದಿಗೆ ಹಳದಿ ಮಿಶ್ರಿತ ಬಿಳಿ ಬಣ್ಣವನ್ನು ಸಮಾನವಾಗಿ ಹೊಂದಿರುತ್ತದೆ.ಇದನ್ನು ಪ್ಲೈವುಡ್ ಮತ್ತು ಮ್ಯಾಚ್‌ವುಡ್‌ ಆಗಿ ಬಳಕೆ ಮಾಡಲಾಗುತ್ತದೆ.

• ಸಾಮಾನ್ಯ ಹೆಸರು : ಬಳಗಿ
• ವೈಜ್ಞಾನಿಕ ಹೆಸರು : ಪೊಸಿಲೆನ್ಯುರಾನ್‌ ಇಂಡಿಕಮ್‌
• ಕೌಟುಂಬಿಕ ಹೆಸರು : ಕ್ಲುಸಿಯೇಸಿ
• ಸ್ಥಳೀಯತೆ : ಪಶ್ಚಿಮ ಘಟ್ಟಗಳು (500 ಮೀ ಎತ್ತರಕ್ಕಿಂತ ಹೆಚ್ಚಿನ ಎತ್ತರದ ಪ್ರದೇಶಗಳು)

• ಇದು ಬೃಹತ್‌ ನಿತ್ಯಹಸಿರು ಮರವಾಗಿದ್ದು ಸುಮಾರು 35 ಮೀ ವರೆಗೆ ಎತ್ತರ ಹಾಗೂ 75 ಸೆಂಮೀ ವರೆಗೆ ಸುತ್ತಳತೆ ಹೊಂದಿರುತ್ತದೆ. ಇದು ನೇರವಾದ ಕೊಳವೆಯಾಕಾರದ ಕಾಂಡ ಹೊಂದಿರುತ್ತದೆ. • ಉನ್ನತ ಮಟ್ಟದ ನಿತ್ಯಹಸಿರು ವಲಯಕ್ಕೆ ನಿರ್ಬಂಧಿತವಾಗಿರುವುದರಿಂದ ಇದು ಸೀಮಿತ ವಾಸಸ್ಥಳ ಹೊಂದಿದೆ ಇತರ ನಿತ್ಯಹಸಿರು ಅರಣ್ಯಗಳಲ್ಲಿ ವಿರಳವಾಗಿ ಕಂಡುಬರುತ್ತದೆ ಮುಕ್ತ ಪ್ರದೇಶಗಳಲ್ಲಿ ಬೆಳೆಯುತ್ತದೆ ಕುದುರೆಮುಖ ಸಮೀಪದ ಭಾಗವತಿ ಕಣಿವೆಯಲ್ಲಿ ಬಳಗಿ ಮರಗಳ ಒಂದಿಷ್ಟು ಅತ್ಯುತ್ತಮ ಕಾಡು ಕಂಡುಬರುತ್ತದೆ. ಈ ಪ್ರಭೇದ ಉತ್ತರ ಕನ್ನಡ ಮತ್ತು ಬೆಳಗಾವಿ ಜಿಲ್ಲೆಗಳಲ್ಲಿ ಇಲ್ಲ. • ಬಳಗಿ ಮರದ ದಿಮ್ಮಿ ಬಹಳ ಗಟ್ಟಿಮುಟ್ಟು ಮತ್ತು ಭಾರವಾಗಿರುತ್ತದೆ, ಮತ್ತು ರೈಲ್ವೆ ಸ್ಲೀಪರ್‌ಗಳು, ಪ್ಲಾಂಕ್‌ಗಳು, ಬೀಮ್‌ಗಳು, ರಾಫ್ಟರ್‌ಗಳು, ಪೋಲ್‌ಗಳು, ಪೋಸ್ಟ್‌ಗಳು, ಮನೆಯ ನಿರ್ಮಾಣ, ಕೃಷಿ ಸಲಕರಣೆಗಳು, ಬತ್ತ ಕುಟ್ಟುವ ಒನಕೆ, ವಾಕಿಂಗ್‌ ಸ್ಟಿಕ್‌ಗಳು ಮುಂತಾದವುಗಳ ನಿರ್ಮಾಣದಂಥ ಹಲವಾರು ಉದ್ದೇಶಗಳಿಗೆ ಬಳಸಲಾಗುತ್ತದೆ. • ಹಿಂದಿನ ಕಾಲದಲ್ಲಿ, ವಿದ್ಯುತ್‌ ಕಂಬಗಳಾಗಿ ಬಳಸಲು ಚಿಕ್ಕಮಗಳೂರು ಮತ್ತು ಶಿವಮೊಗ್ಗ ಜಿಲ್ಲೆಗಳ ನಿತ್ಯಹಸಿರು ಕಾಡುಗಳಿಂದ ಬಳಗಿ ಮರಗಳನ್ನು ವ್ಯಾಪಕವಾಗಿ ಕಟಾವು ಮಾಡಲಾಗುತ್ತಿತ್ತು.1970ರಲ್ಲಿ ಆರ್‌ಸಿಸಿ ಕಂಬಗಳು ಚಾಲ್ತಿಗೆ ಬರುವವರೆಗೆ ಈ ವ್ಯವಸ್ಥೆಯನ್ನು ಸುದೀರ್ಘ ಕಾಲ ಬಳಕೆ ಮಾಡಲಾಗುತ್ತಿತ್ತು.