ಕೇಂದ್ರ ಅರಣ್ಯ ಗ್ರಂಥಾಲಯವನ್ನು 24.4.1984ರಂದು ಸ್ಥಾಪನೆ ಮಾಡಲಾಯಿತು. ಇದು ಬೆಂಗಳೂರು, ಮಲ್ಲೇಶ್ವರ, 18ನೇ ಅಡ್ಡರಸ್ತೆಯ ಅರಣ್ಯಭವನದ ನೆಲಮಹಡಿಯಲ್ಲಿದೆ. ಇದು ಅರಣ್ಯ ಮತ್ತು ಸಂಬಂಧಿತ ಪರಿಕಲ್ಪನೆಗಳ ಸಂಗ್ರಹವನ್ನು ಹೊಂದಿದೆ, ಮತ್ತು ಸಂಶೋಧನಾ ಕ್ಷೇತ್ರದಲ್ಲಿ ಪುಸ್ತಕಗಳು ಮತ್ತು ನಿಯತಕಾಲಿಕೆಗಳಿಗೆ ರಾಜ್ಯದಲ್ಲಿರುವ ಅತ್ಯುತ್ತಮ ಕೇಂದ್ರಗಳ ಪೈಕಿ ಒಂದಾಗಿದೆ. ಈ ಗ್ರಂಥಾಲಯದಲ್ಲಿ ಪುಸ್ತಕಗಳು, ನಿಯತಕಾಲಿಕೆಗಳ ಹಲವು ಸಂಪುಟಗಳು, ವಿರಳ ಪುಸ್ತಕಗಳು, ತಂತ್ರಜ್ಞಾನ ವರದಿಗಳು, ಕಾರ್ಯಯೋಜನೆಗಳು, ಉಪನ್ಯಾಸ ಟಿಪ್ಪಣಿಗಳು, ವೀಡಿಯೋ ಟೇಪ್‌ಗಳು, ಸಿಡಿ ರಾಮ್‌ಗಳು ಮತ್ತು ಕೈಪಿಡಿಗಳು ಮುಂತಾದವುಗಳ ಸಂಗ್ರಹ ಇದೆ. ತನ್ನ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳು, ತಜ್ಞರು ಮತ್ತು ಪರಿಸರವಾದಿಗಳು, ಶಾಲೆ ಮತ್ತು ಕಾಲೇಜು ವಿದ್ಯಾರ್ಥಿಗಳು, ನಾಗರಿಕ ಸೇವಾ ಪರೀಕ್ಷಾರ್ಥಿಗಳು, ಹೊರಗಿನ ಸದಸ್ಯರು ಮತ್ತು ಸಂದರ್ಶಕರ ಅಗತ್ಯಗಳನ್ನು ಈ ಗ್ರಂಥಾಲಯ ಪೂರೈಸುತ್ತದೆ.